History of Nandom vocational technical institute

Br. John Van Winden la da taa a teɛroŋ kyaare ne a nuuri toma gɔɔloŋ zannoo sakuuri a Nandɔm paaloŋ. O da e la a FIC dɔbɔ kirista biiri kpaaroŋ lammo bie kaŋa naŋ be Nɛdalan paaloŋ 1840.

Brother John

Br. John da wa la te Gaana paaloŋ 1968 ka o mɛ a dɔɔbilii sakuuri naŋ be a Ɔppa Wɛɛse Irigyin ka ba boɔlɔ o Nandɔm Sekondere Sakuuri. O da bɔ la noba naŋ taa meɛbo gɔɔloŋ te sazu fãã kyɛ leɛ sigi a kɔmpare seŋ te bɔ a meɛmeɛrebɛ mine ka ba wa mɛ a Nandɔm Sekondere Sakuuri. Ba naŋ da wa mɛ a sakuuri ŋa baare a yuoni 1972, la ka Br. John nyɛ ka, a seŋ ka Ba mɛ sakuuri kaŋa ka ba boɔlɔ o Nandɔm nuuri toma zie(NPVC)1973.

A kyɛloo ŋa o naŋ da taa a kyaare ne a nuuri toma gɔɔloŋ sakuuri ŋa da waa la yɛlɛ ayi ka Ana la; ka o tõɔ wuli kyɛ nyoore ba kyaare ne baapaaba nu-gɔɔloŋ someŋa toma bonso, a mɛdele sakuuri da ba ta taabo kaŋa boore, ka a na de ba eŋ bɔnne toma poɔ.

Brother John

Br. John meŋ da boɔrɔ la ka o wuli bee zanne ne a baapaaba a koraa poɔ ka ba meŋ na baŋ gas tembɛrɛ te bɔ nansaal toma. A yuoni 1986 la ka ba leɛre a yi NPVC eŋ Nandɔm tonnoɔre sakuuri (NVS) ka ba be NVTI deme poɔ a sakyɔrɔ kyu, 2010. A sakuuri da yi la NVTI a kpɛ te Gaana sakue ganzanne lomboriŋ a eŋ o kirista bi yuori ka St John gɔɔloŋ sakuuri. A yuoni 2017, Sakyɔrɔ kyu poɔ la ka a sakuuri ŋa leɛ TVET sakue a be a sakue begɛ kaŋa Act 2020(1049).

A FIC Deme

A FlC deme la da bɔ ba tontonboma a piili ne a sakuuri ŋa. Br. John Van Winden da la ba zaa zukaara kyɛ la e a dɛnne bee a maale enne a sakuuri meɛbo poɔ.

A Cardinal Peter PoreKuu Dery Saŋa

Cardinal Peter Porekuu Dery a saŋa na la da e a Wa poɔ faaramine nenkpoŋ naŋ pɔge kuuri la meŋ da sonna a Br. John Van Winden teɛroŋ ka o na nyɛ maaloo. Ba da zanna la yɛlɛ yaga a seŋ; koraa meɛbo ane maasime maaloo. A tonnoɔre ŋa tenne poɔ meɛbo da puli ne la bonkpare a piiluu saŋa ne noba pie ne anuu (15) kyɛ ka a maasime da tonna ne kurikuro, ingyin ane nuuri pumpe maaloo a yuoni 1980 ne noba pie ne ayi (12).

A Gɛɛmane Nova Deme

Gɛɛmane Nova mine meŋ da ŋmɛ la nyaa a daa yi a soŋ ba ne meɛbo yeltarre, maasime and kurikuro maaloo. Ba da maŋ de la yuomo anaare a wuli ba kyɛ ka ba na baŋ nyɛ Ba meɛbo setefekate a tona ne toma.

A Sakuuri Yuori

A sakuuri ŋa yuori yi la yaga a yi ba tonveɛle zuiŋ kyaare ne nuuri toma gɔɔloŋ. Ba tonveɛle amɛ da vɛŋ la ka a gɔbenante zɛge ba yuori Janoɔre kyu beri lezare ne ayɔpoi 1986 poɔ a eŋ ka ba tona toma me NVTI deme ne ba yuori ŋa NVTI/058/UWR.

Pampana

Pampana ŋa, a sakuuri wulo bee zanna ne la biiri toŋ parɛɛ parɛɛ ayoɔbo ka ana la; daare ŋmaabo gɔɔloŋ, ingynea toma gɔɔloŋ, pumpe maaloo gɔɔloŋ, fentediglii bee vūū maaloo gɔɔloŋ ane amine kaŋ.