Hadaka Matsuri
HadakabMatsuri (裸祭り, 'Naked Festival') e la a Japan paaloŋ noba tigiri bee matsuri kaŋa, a tigiri ŋa la ka ba maŋ dire ka fere ka a noba naŋ gaa bee a poɔ a tigiri ŋa diibu poɔ ka ba kaaya suuri bee bonsuuri naŋ e ŋmaara, gbɛɛ yaya a bonsuuri ama la fundoshi loincloth, a mine kaŋa a naŋ paale happi kuotu, a maŋ kyɛre la feeŋ ka ba na taa pare zagela.[1]
Pare zagelaa tigiri meŋ bebe, a tigiri ama taaba maŋ di ziiri gyamaa a Japan paaloŋ poɔ yuoni la yuoni zaa, gbɛɛ yaga a tigiri ama maŋ di la Gonseɛ kyuu poɔ bee ka a di Kakyɛ kyuu poɔ.[1]
Hayama-gomori
[maaleŋ | Maale eŋ yizie]Hayama-gomori naŋ be a Kuronuma teo pare, a be a Kanezawa ditiri paaloŋ poɔ, Fukushima meŋ maŋ de la bebie ata sɛre kyɛ baŋ di baare, o maŋ piili la a Kakyɛ kyuu biri pie ne ayoɔbo kyɛ maŋ e la tɛɛtɛɛ, a tigiri ŋa diibu maŋ e la bonsɔgelaa banaŋ a yi yuomo tuturi daŋ pare, a wagere ŋa la ka ba maŋ boɔle a ŋmemɛ ka a wa lanne a nensaalba kyɛ vopegiraa a yi noba banaŋ naŋ boɔrɔ ka ba gaa te nyɛ ta-asobi.
A bebie ata ama zaa poɔ, a dɔɔ na maŋ daŋ de weɛŋ a kpɛ a zie na banaŋ maŋ peerɛ nensaaleba seɛ a peɛle a teo la ka ba maŋ peere o seɛ a ko. A yi a zivɛle paala gbeli anuu wagere poɔ bebiri zaa, ba maŋ yagere la ba menne kyɛ de ba menne a eŋ kommaaroŋ poɔ ka a wuli ka ba puori la sɔre ba bomboɔre a yire ne a teo zie; a koro ba menne, a koro ba zɔminne, ane ba yideme noba. A wagere ŋa poɔ, a ba bondirii maŋ e la ba saaŋkompare bondimaale yoŋ ba naŋ kɔ de aseŋ, hakusai cabbage ane daikon radish, a pãã poɔ ne mui peɛlaa banaŋ buri ne ko soŋ.
A zisoɔre danweɛŋ soba, a noba banaŋ naŋ poɔ maŋ su gbeŋ bonsuuri, a te maale a bɔgere, a boɔle a ŋmene ka o soŋ ka ba toɔ kɔ nyɛ mui gyamaa a yuoni na poɔ. Gaŋgaa la ka ba maŋ ŋmeɛrɛ ka a leɛ bee are ko saa tannoo ane a zansugiri kuobu, a noba bama na maŋ poɔ a yeltuura ŋa poɔ maŋ ŋmaa la viiri kyɛ puoro a sɔrɔ ba yelboɔre a saa poɔ. A yi a ŋaa puoriŋ, ba maŋ te laŋ la taa a bɔgere zu a kono “Yoisa!” a na leɛre a wɛ-wiri zu. Ba pãã maŋ de la tatami mats a bare ne koɔ sɛre ka baŋ piili a mui sɛlloo borebo kyɛ pãã yiele yieluŋ kyɛ tona. A bɔger bee a tigiri ŋa yelyuura maŋ baare ne la puoru ka ŋmene soŋ ka ba mui koɔbo a yi nimiri a yuoni na poɔ.
A bebie ayi soba, ba maŋ tɔ la mui a de maale ne sɛnsɛ a ko ŋmemɛ. A die kaŋ poɔ, a nembɛrɛ maŋ nyɔge la zɛvaare a leɛ ka dɔɔ ne pɔge ka ba de maale ne bɔgere a ko a ŋmemɛ.
A bebie ata soba, a yi gbeli ata kyɛ gɛrɛ te tɔ biguo saŋa, a yama-gake maŋ piili la. A noba banaŋ naŋ maŋ poɔ a tigiri ŋa poɔ maŋ su la tenugui (hand towel) kyɛ ka ba zuri a pɔge ne pɛne pelaa a waa ŋa a teo na, a ŋaa puori ba maŋ boɔle a tanne zaa. Kyɛ pãã are a teo niŋe kyɛ kyɛle woŋ a gbeleme na ŋmeɛrɛ a na pɛge ba sukyiri. A noriwara (saaŋkompare gbandiruu) onaŋ maŋ taa a ŋmemɛ a na toɔ yeli lɛ zie naŋ na waa bee a koɔbo ba naŋ koɔrɔ ka ba na nyɛ la bondirii bee ka ba koŋ nyɛ.
Konomiya
[maaleŋ | Maale eŋ yizie]
| Observed by | Japan |
|---|---|
| Type | Religious |
| Date | twelfth day of the first month of the Chinese calendar |
| 2025 date | Gonseɛ kyuu beri pie |
| 2026 date | Toloŋ kyuu beri dɛndɛŋ soba |
| 2027 date | Gonseɛ kyuu beri pie ne anii |
| 2028 date | Gonseɛ kyuu beri ayɔpoi |
| Frequency | yuoni zaa |
Hadaka Matsuris e la a tigiri koraa naŋ e kpoŋ a Owari Okunitama teo pare naŋ maŋ di a Hadaka Matsuri a Inazama poɔ la ka a tigiri diibu daŋ piili a yi 1300 yuomo naŋ pare. Yuoni zaa poɔ, noba maŋ laŋ la taa a tigiri ŋa poɔ, a taa kyelloo ko a yuoni zaa naŋ waana. A tigiri ŋa e la a tigiri kpokpo lambori kaŋa naŋ bebe la a Shin-otoko (神男) ka onaŋ wa toɔ kpɛ a nyɛ a vuo a leɛ wa yi te gaa a teo zie la ka ba boɔlɔ naioden. A neɛ naŋ kpɛ a be, a e la feroo ko a soba ka o soba tɔ a shin-otoko a toɔ leɛre ba zufaa na zaa bare. A zisoɔre saŋa, a zufaa na maŋ leɛ la saala a waa ŋa mocha. A mocha sɔgelaa na la ka ba maŋ de puli ne mui pɛgɛ a maŋ nyege a omamori a yi a yuoni koraa poɔ.[2]
Pɔgeba maŋ poɔ la a tigiri ŋa diibu a bebiri danweɛ soba daare a yi a Gonseɛ kyuu lezare ne ayi daare a 2024 yuoni poɔ, ane ba laŋgbuli 41 wagyɛ, pɔgeba tonoɔre a tigiri ŋa poɔ maŋ e la fẽẽ lɛ.[3][4]
Saidaiji
[maaleŋ | Maale eŋ yizie]
| Participants receiving purification by water at the naked festival at Saidaiji in Okayama. | |
| Observed by | Japan |
|---|---|
| Type | Religious |
| Significance | Celebrates the blessings of a bountiful harvest and all manner of prosperity and fertility |
| Date | Yɔdaare ata soba a Gonseɛ kyuu poɔ |
| 2025 date | Gonseɛ kyuu beri pie ne anuu |
| 2026 date | Gonseɛ kyuu beri lezare ne yeni |
| 2027 date | Gonseɛ kyuu beri lezare |
| 2028 date | Gonseɛ kyuu beri pie ne awai |
| Frequency | Yuoni zaa |
A tigiri kpokpo kaŋa meŋ naŋ bebe la a Saidai-ji Eyo Hadaka Matsuri o maŋ di la a Okayama paaloŋ poɔ be la ka tigiri ŋa daŋ piili yuomo 500 naŋ pare.[5] Yuoni zaa poɔ, dɔba maŋ pare la 9,000 na maŋ poɔ a tigiri[6] ŋa diibu poɔ, a maŋ taa a kyeloo ka a yuoni na e la yuoni soŋ a ko ba.
A Gonseɛ kyuu poɔ, a Yɔdaare ata soba, a yi yuomo 500 naŋ pare, Saidaiji Temple naŋ peɛle a Okayama teŋɛ poɔ, banaŋ la maŋ di a Hadaka Matsuri.[7]
A mine kaŋa
[maaleŋ | Maale eŋ yizie]Shitennoji Temple naŋ be a Tennoji, Osaka, Doya Doya Hadaka Matsuri (Naked) tigiri e la bone naŋ taa laŋgbulo ayi ka dɔba maŋ ŋmɛ kyakya kyaare ne a ŋmene nao Gyu-o-Hoin, a ŋa maŋ tage peɛle la a soga poɔ kyɛ ŋmeɛrɛ kpɛle “Doya! Doya!”.[8]
Dare ata zaa poɔ a Kpankyãã kyuu poɔ, a Ohara Hadaka Matsuri naŋ be a Ohara, Chiba Prefeɔture, la maŋ taa a mikoshi, gbɛɛ yaga o maŋ su la o suuruŋ ka a waa ŋa gbeŋ-kparoo kyɛ ka nenzuree a puori sɔre ka ŋmen soŋ ka yuoni ŋa ka ba nyɛ boŋkoɔre gyamaa kyɛ nyɔge zoma meŋ gyamaa.[9][10][11][12]
Kaa Kyɛ Nyɛ
[maaleŋ | Maale eŋ yizie]· Japan portal
· Tamotsu Yatō
Sommo Yizie
[maaleŋ | Maale eŋ yizie]- 1 2 "Letting It All Hang Out: Japan's Three Great 'Naked Festivals'". nippon.com. 13 December 2024. Retrieved 1 August 2025.
- ↑ "Konomiya Hadaka Matsuri (Naked Festival of Owari Okunitama Shrine)". Aichi Tourism. 24 February 2021. Archived from the original on 12 September 2021. Retrieved 12 September 2021.
- ↑ McCurry, Justin (25 January 2024). "Women in Japan allowed to take part in 'naked festival' for first time". The Guardian. ISSN 0261-3077. Retrieved 6 February 2024.
- ↑ Lau, Himari Semans, Chris (11 May 2024). "Women joined a millennium old "naked festival" in Japan for the first time. Here's why that's groundbreaking". CNN.
- ↑ "Near-naked Japanese men scramble for 'lucky sticks'". BBC News. 17 February 2019. Archived from the original on 8 November 2020. Retrieved 8 September 2020.
- ↑ "Saidai-ji Eyo Hadaka Matsuri". Japan National Tourism Organization. Archived from the original on 18 June 2011. Retrieved 11 June 2019.
- ↑ "Hadaka Matsuri: Saidaji Temple Okayama". japan-guide.com. Retrieved 18 May 2025.
- ↑ wmfong. "Doya Doya Naked Festival". ocf.berkeley.edu. Retrieved 18 May 2025.
- ↑ "Hadaka matsuri". Japan Experience .com. Retrieved 18 May 2025.
- ↑ "Sominsai at Hayachine Shrine (早池峰神社蘇民祭) Hanamaki City, Iwate Pref". OH! MATSURi. Retrieved 16 September 2020.
- ↑ "Kokusekiji Sominsai in Oshuu". JapanTravel. 18 February 2019. Retrieved 16 September 2020.
- ↑ "Kokusekiji Temple Somin-sai Festival". Kingdom of Winter Trip TOHOKU. Retrieved 16 September 2020.