Gumboot dance

Gumboot seɛre

type of dance

Gumboot seɛre, (bee Iscathulo) e la a South Africa deme seɛre, a seɛre ŋa poɔ wɛ gaa nɔɔteɛ (wellington boots) la ka ba eŋ seɛ ne a seɛre ŋa. A South Africa poɔ noba baŋ la a seɛre ŋa ka ba boɔlɔ gumboots seɛre.

A nɔɔteɛ (boots) maŋ lanne la gbelime, ba maŋ ŋmeɛrɛ la a gbelime kyɛ seɛrɛ, a toɔrɔ ba gbɛɛ a ne a teŋɛ. A gbɛɛ toɔbo maŋ e la yeni bee ka e tɛɛtɛɛ, ka ka ba yeli yɛlɛ a ko taa. Ka banaŋ wa seɛrɛ ba ba yeli yɛlɛ ka a yire, ba maŋ yeli la a yɛlɛ ba yɛŋ poɔ, bonso kyiiruŋ kpoŋ la ka banaŋ wa yeli yɛlɛ a seɛre poɔ, banaŋ yeli yɛlɛ a seɛrɛ poɔ ba ŋmemɛ na ko ba dɔgeroŋ kpoŋ. A salima toma zie da maŋ taa la gɔmɔ yaga, a dasaŋa na, a yuomo 1970s poɔ togbara da ba kyebe a South African noba poɔ.

Saaŋkompare.

A gumboot seɛre piili la a saŋa ba naŋ da maŋ tuuru salima a zisoɔre a South Africa poɔ kyɛ seɛre viiri, a seɛre leɛ wa la. a saŋa na nensaale sɔgelɔ naŋ da tuuru salima la erɛ a, kyɛ pampana gumboot seɛre ŋa la e a seɛre naŋ noma paaŋ a ko South African deme.

Bigiruu

Gumboot seɛseɛrebɛ , gbɛɛ yaga, a teŋɛ poɔ ane zisaama zie la ka fo maŋ nyɛ a seɛre ŋa a South Africa poɔ a seŋ Victoria & Alfred Waterfront a Cape Town poɔ. Seɛbo kpoŋ zie zaa maŋ e la banaŋ maŋ guuro a salintu zie a South Africa poɔ. Aŋa a seɛre anaŋ na zaa naŋ be a Africa poɔ Gumboot seɛre la e yoŋ la seɛre ba naŋ maŋ seɛ ka endaa zaa doɔ. O e la yieluŋ bee gɔnne ba naŋ de boma mine ayi bee a ganlɛ a ŋmeɛrɛ ne taa, ka ana idiophones bee autophones ( bebiri zaa bonvoone na maŋ voona a toɔraa. O yi la taa ne lɛ a gbɛɛ toɔbo naŋ maŋ toɔrɔ, African-American la maale.

O yempoɔ waaloŋ

A seɛre maŋ wuli la ka Black Umfolosi, naŋ e South Africa laŋgbuli la maŋ seɛ.

A yieluŋ daga Graɔeland a American yieluŋ ŋmeɛrɛ naŋ di Paul Simon pore la a yieluŋ yuori ka "Gumboots" A yieluŋ ŋa da deɛne la a South Africa teŋɛ poɔ Jive (mbaqanga) a deɛne da lanne la Boyoyo dɔba.

A British-American gɔbaa kaŋa naŋ di David Bruce sɛge la eŋ yieluŋ ŋmɛ boma anuu poɔ ka o na la "Gumboots). A yieluŋ ŋa la wane eŋyuo ko a gumboot seɛseɛrebɛ. Carnege Hall 2008 poɔ la ka ba da ŋmɛ a duoro a yi kpɛ entɛnɛte poɔ, Todd palmer ane St. Lawrenɔe String Quartet da e a yɛlɛ.

A saŋa na South African karembie naŋ da kyɛyuo gumboot yelzu a ko o karembitaaba a tendaazaa a Pearson College UWC, the international sakuuri poɔ. A ŋaa da vɛŋ la gumboot ka noba zanne a gumboot seɛbo gbɛɛ iribu, ane ba saaŋkompare, aŋaa da vɛŋ la ka gyeremɛ a be sakuuri poɔ a yuomo 45 a wa tɔ pampana. A laŋgbuli na noba da ko la gyeremɛ ane soba na naŋ wane a seɛre, ba da mɔɛ la wagere zaa poɔ ka banaŋ wa seɛrɛ a seɛre ŋa ba manne la o pare ko noba naŋ ba baŋ o tɛgɛ. A yuoni zaa piilu poɔ, a kyuu ata ane anaare poɔ, a laŋgbuli noba naŋ da so a One World tigiri a Victoria, BC poɔ.

Kanne Gaa niŋe

• Lesole's Dance Project 1 - South African Gumboots (example of dancers with bells on their gumboots)