Dudu

Dudu e la bompeɛlaa ba na maŋ peɛle koɔbo saŋa. Ka banaŋ wa taa koɔbo aseŋ; dēɛkoɔbo, kɔ-sɔraa, ba-koɔbo ane a mine taaba, ba maŋ baŋ peɛle la a dudu teɛre a koɔreba ka a koɔbo wagere bee gaabo taɛ la.  Ka a weɛ poɔ meŋ wa la, ba maŋ baŋ peɛle la a dudu a leɛ teɛre a noba ka ba iri ka banaŋ wa ziŋ pɛnne fēē.

Dudu Kɔkɔre

Ka ba naŋ na peɛle dudu a yiri poɔ a na teɛre a noba ka a koɔbo wagere ta la, ba maŋ baŋ peɛle ka;

Yɛ yi, yɛ yi,  yɛ yi ka te gaa weɛ yɛ yi ka te gaa.

Bee ka ba leɛ peɛle ka;

Kɔ-noɔre dɔndɔnne yɛ yi ka te gaa, koɔreba kombɔgele enne yɛ yi.

Ka a weɛ poɔ meŋ wa la, ba meŋ maŋ baŋ peɛle la ka;

Kɔnɔ-ŋmaara iri ka a koɔreba meŋ iri, yɛ iri tontoma

Koɔraa weɛ la ka te wa

yɛ iri tontoma.

TENNE MINE BA NAŊ PEƐLƐ DUDU.

1. Manteŋa

2. Kyemoɔ teŋe

3. Sanuore, ane a mine.

DUDU PARƐƐ

Dudu taa la parɛɛ ayi ka ana la;

1. Dudu-ŋmaa

2. Dudu-wogiri.

Ne a zaa ka a dudu ŋa taa la parɛɛ ayi, kyɛ a zaa tonna la toŋ-yeni.