Donaalɛɛ Yiri

Aŋ mine la Donaalɛɛ?

Donaalɛɛ e la Dagaaba bale noba . Dagaaba ne Dagbambare da laŋ la saakoma ka ba zaa da laŋ ziŋ Yendi poɔ ka namine da kaara ba. A namine da diri la kyɛ korɔ taa te ta saŋ kaŋ na- paalaa naŋ ziŋ a kogi zu a deɛ leɛ woloŋ ko a noba Noba da ba laara ne a naa ŋa. A poɔ la ka Dagaaba baŋ faa kyɛ wele yi na voore ..Ba weli yiibo poɔ la ka ba boɔlɔ bamine Dagaaba. Ba da kulo la Dagbambare poɔyaare ,kyɛ ba weli yiibo poɔ a da ferɛ la ka ba e eebo kaŋa a toɔ kulo taa lɛ la so ka ba po bamine eŋ yiiloŋ.

Donaalɛɛ ziŋ la tene yaga sɛre kyɛ paa wa ziŋ Nandɔle,Tampaala, Gbare ane Kuukyɛne zinebio

Donaalɛɛ teŋ- kpoŋ la Woge. Ba naŋ yi Woge , ba ziŋ la Dabɔ kyɛ la iri, ka ba mine ta Kaluri ziŋ kyɛ ka ba kyɛlii na naŋ taa lɛŋ wa bale a yeli, ' Yɛ e ka te ziŋ kyɛ a dɔli te mine fee kyɛ iri. Ba dɔli baare la kyɛ deɛ ziŋ ka teŋa yuori di Nandɔli. Naasaalaa la wa boɔli faa kyɛ yeli ka Nadowli. Donaalɛɛ ziŋ la tene yaga kyɛ ba tembɛrɛ la Nandɔli, Tampaala, Gbare ane Kuukyɛne.