Dery

Dary bee Dari: eɛ Dagaaba saakom yuori kaŋa ba na maŋ de ko neɛ banaŋ dɔge k'o kpi kyɛ ka ba la leɛ dɔge o meŋɛ bee nekpoŋ na kpi anaŋ bebiri na kyɛ ka a yiri pɔge kaŋa dɔge bie a daa na bebiri bee a bebiri na zaa o soba naŋ kpi. Ka dɔɔ la Dari; ka pɔge la Dar-pɔge.

Gbɛɛ yaga neɛkaŋa kūū puori bee poɔ la ka ba maŋ de a yuori ŋa tɔ ko o. Ka anaŋ e ŋaa baare neɛzaa na waana a yiri na poɔ a woŋi ana yuori bee a yuori ŋa a yiri poɔ baŋka "LEƐWAA YOE" yuori la. A yuori na taaba la ka Dagaaba boɔlɔ ka leɛwaa yoe bee yuori.

A Yuori Tɔnɔ

A yuori ŋa taa la tɔnɔ yaga kyɛ meŋ na taa kpɛzie te Daga paaloŋ. Aseŋ; A maŋ vɛŋ la ka neɛ baŋ neɛ naŋ la o soba na taa ana yuori na.

A maŋ soŋ la ka tõɔ baŋ a yiri noba ne ba nu-taa na seŋ lɛ. Aŋa ba nyɔvooroŋ.

Faaloŋ

Aŋa Dagaaba na maŋ yeli ka yelzaa maŋ taa la tɔnɔ ane a faaloŋ yɛlɛ zaa poɔ.

A yoe ama taaba maŋ ire la a yiri deme ulo gbɛɛ yaga bee ziiri mine.

Sommo Yizie