Daworo

Daworo Maalõõ Yɛllɛ.

Daworo e la gbaŋgbale naŋ maŋ bé déri bēē dié neŋmitɔɔre. Dagaaba maŋ tu la tani mine ba naŋ boɔla ziŋu, a bu neŋ koɔŋ a kyɛ vɛŋ ka a biŋ béri anaare bēē béri anūū. Ba pããŋ maŋ poge la a tɛne ŋa neŋ moɔ ka a lɛ na vɛŋ ka a ta kò. Ka a béri naŋ wa ta, ba pããŋ maŋ la bu a la neŋ koɔŋ a kyɛ nɛú neŋ gbɛɛ ka a na kpɛ taa velaa. Kuuri bēē kuyé la ka ba maŋ de bu neŋ a tɛni ŋa, ka ba naŋ wa e a lɛ baare, ba pããŋ maŋ bɔ la nããŋbiŋmaara a sããŋ neŋ koɔnŋ, a de a mine bu neŋ a ziŋu ka a lɛ na vɛŋ ka a taa zūlūū bēē sūūre. Ba pããŋ maŋ ŋmaara la a ziŋu bēē a tɛne ŋa yare a daworo, ka ba naŋ wa e a lɛ baare, ba pããŋ maŋ de la sampama a kpala bēē a pana a daworo. Dɔba la maŋ bu a tɛne ŋa kò a pogeba ka ba maŋ paŋ a daworo, ka a pogeba wa pana a daworo ba maŋ kyɛ la yieluŋ a yielé, ka a lɛ na vɛŋ ka ba eŋne yuoro. Ka ba naŋ wa paŋ a daworo baare ba pããŋ maŋ de la a nããŋbiŋmaara ba naŋ sããŋ a de fare neŋ a daworo ka a lɛ na vɛŋ ka o e kpeɛŋaa. Daworo taa la tɔnɔ yaga te yié poɔ.