Dagatomparɛɛparɛɛ

Naasaalaa naŋ da ba kpɛ Dagapaa

oŋ sɛre toma na mine Dagaaba naŋ da tona ka a korɔ ba bondirii kyɛ yire tonna meŋ korɔ ba la ama.

Kɔɔbo. A bonkoɔre mine la ama:- kamaana, kyi, simie, waare, beŋɛ ane sensɔbɔ.

Dããdogebo:- Pɔgeba toma la..Dãã maŋ ko la a pogeba libie.

Sensɛɛ maaloo :- Pɔgeba la maŋ maala sensɛɛ . Ba mine maŋ maala la koɔrɔ, kyɛ ka ba mine maŋ maali die poɔ ka die deme ɔɔ .

Meɛbo :- Pɔgeba toma la meɛbo. Ba maŋ mɛ la laare, yoe ,dogre, senne, laabilee laalɛne, kpolelaare,ane amine taaba zaa.

Pɛnoo:- Dɔba toma la penoo. Ba maŋ pɛne la kukue, tɔɛ̃, kukoe,dare, gboe ane boma yaga.

Guoloo:- Dɔba toma la. Ba maŋ guoli la donne ane noore, kpenne kolokolo ane ataaba.

Woobo :- Dɔba ane pɔgeba zaa la wooro. Dɔba maŋ wooro la pama, kasogeri, zaŋgbɛɛ, yoloŋne sɛne sɛmbilee a de ne zupile bee kpawoore.

Pɔgeba meŋ maŋ wooro la pɛre, pɛbilee, bipɛre ane tanzunni.

Zambɛre:- Dɔba la maŋ tona zambɛre toma. Kue ane lɛɛ la ka ba maŋ kuro zambɛre poɔ . Ba maŋ de la a kue kɔne kyɛ de a lɛɛ kyeɛrɛ ne daare ane boma.