Dagarebie (Rosary) puoruu
Dagarebie puoruu A Dagarebie puoruu e la puorikpoŋ kaŋ Roman puoruu deme na maŋ puori.A Dagaraa puoruu po eŋ la dannoo anaare poɔ ka ana la ama: Popeɛloŋ Dannoo,Dɔgɛɛ Dannoo, Veɛloŋ Dannoo ane Puubu Dannoo.A Dannoo ama kaŋa zaa meŋ maŋ taa la dannezuri anuu. Yedaare ne Yɔdaare bebie la ka ba maŋ puori a Popeɛloŋ Dannoo, a puori Dɔgɛɛ Dannoo Yidaare ne Nudaare bebie, a la puori Veɛloŋ Dannoo Nadaare bebiri kyɛ puori Puubu Dannoo meŋ Podaare ane Tadaare bebie.
Piiluu
[maaleŋ | Maale eŋ yizie]Sɛre ka neɛ na piili a Dannoo ama kaŋa zaa puori o na daŋ puori la puoruu ama:
Dagaraa mannoo.
Saa ane bie ane Voorondoŋ yuori eŋɛ, Ame.
N de la Naaŋmensaa puoruu.
N de la Naaŋmensaa, kpeo zaa daana, Sazu ne paaloŋ zaa ire, N de la Yeezu Kirista, Naaŋmene bidɔɔyeni, te daana yɛlɛ, Vooronsoŋ eɛɛ la, ka Verigumaariya soŋ, taa o poɔ, a dɔge, o woŋ la tuo, Pontio Pelaato Naaloŋ saŋ, ba kpa o la Dagaraa zu, k'o kpi, ka ba uu, k'o sige o kpensonne zie, a yi omɛŋɛ o beraata daare, a do Dapare, te zeŋ Naaŋmensaa, kpeo zaa daana, nudoloŋ, o na yi la be wa, a wa di voba ane kpenne sɛrɛɛ. N de la Vooronsoŋ yɛlɛ, Lanne Katesoŋ yɛlɛ, nensonne sontaa yɛlɛ, yelbebe suuri diibu yɛlɛ, kuuni yiibu ane nyɔvore naŋ kombaŋ baare, Ame.
Te saa naŋ be Dapare poɔ puoruu.
Te saa naŋ be Dapare poɔ, ka fo yuori waa kpoŋ, ka fo Naaloŋ wa, ka te sagera fo nɔɛ teŋɛ zu, a seŋ banaŋ sagera fo Dapare poɔ, ko te bondirii zenɛ k'a sente, di te yelbebe suuri ko te, seŋ te naŋ dire suuri kora taa, e ka te ta sage bɛllɛ, iri te yelfaare poɔ Ame.
Yaane Maareya puoruu (bota).
Yaane Maareya, fo paale ne la garaaseɛ, Naaŋmene bee fo, Naaŋmene maale fo la gaŋ pɔgeba zaa kyɛ ka fo poɔ bie Yeezu nyɛrɛ puubu.
Sagebo: Maareya soŋ, Naaŋmene ma, puori Naaŋmene kote, te naŋ yelbebe deme, pampana ane te kuu daare, Ame.
Paa piili a Dannoo na naŋ seŋ ka fo puori dannezudɛŋ. Ka fooŋ na toɔ, fo na baŋ Yieli la kyaare a dannezu kaŋa zaa sɛre ka fo puori o.
Popeɛloŋ Dannoo (Joyful mystries) Yedaare ne Yɔdaare.
[maaleŋ | Maale eŋ yizie]1.Naaŋmene Maleke yeli ko la Mareyaa k'o na leɛ la Naaŋmene ma
2.Bitoro Maareya gaa k'o te puori Lizabɛl.
3.Bitoro Maareya dɔge la Yeezu Kirista.
4.Yeezu de teroo Naaŋmene dieŋ.
5.Yeezu bɔ te nyaabo Naaŋmene dieŋ
Dɔgɛɛ Dannoo (Sorrowful Mystries) Yidaare ne Nudaare.
[maaleŋ | Maale eŋ yizie]1.Yeezu tuo wommu gaadini poɔ.
2.Yeezu feɛbo Dankyimmiri eŋɛŋ.
3.Goore zupili Yeezu de vɔgeloo.
4.Yeezu Dagaraa tuobu.
5.Yeezu Dagaraa zu kpaabo
Veɛloŋ Dannoo (Mystries of light) Nadaare.
[maaleŋ | Maale eŋ yizie]1.Yeezu suobu terebo Jordan baa poɔ.
2.Yeezu naŋ maale koɔ ka a leɛ daa Kpena pɔge-beɛltigiri zie.
3.Naaŋmene yelbiri ŋmɛ yaaroo.
4.Yeezu Meŋɛ kyilluu.
5.Yukaaraate sakaramante emmo (zu pommo)
Puubu Dannoo (Glorious Mystries) Podaare ane Tadaare.
[maaleŋ | Maale eŋ yizie]1.Yeezu kuuneŋ leɛ iruu.
2. Yeezu Dapare duobu.
3. Vooronsoŋ toŋ k'o sigewaabo.
4.Maareya Dapare duobu.
5.Maareya Dapare pɔgenaa leɛbo.
Fo na maŋ yelee yaane Maareya gbɛɛ pie ko a dannezu kaŋa zaa. Ka fooŋ maŋ wa baare kaŋa zaa ka fo paa yeli ka; ka saa ane bie ane Vooronsoŋ nyɛrɛ puubu.
Sagebo: Pampana, seŋ koronzaa ane biezaa ame.
Ka fo la yeli:
Te Daana Yeezu...
Te daana Yeezu...
Sagebo: zo te nembaaloŋ, di te yelbebe suuri ko te, faa te seere yi ni dozugo vuuŋ, a kpɛ ne Dapare a zuo azaa banaŋ naŋ sɔrɔ sudi yiri fo zie.
Ka fooŋ wa puori a Dannoo kaŋa zaa dannezuri anuu baare fo paa na puoree puoruu ŋa:
Yaane Bitoro Pɔgenaa (Hail Holy Queen).
Yaane Bitoro Pɔgenaa, nimimaaroŋ ma, zɛge te nyɔvoɛ, te noɔ ane te kyelloo. Te koŋ ko fo la, Awa biiri ba naŋ ŋmɛ eŋ wɛgyɛŋeŋ, te zɛge la te awommu ko fo, a kono kyɛ kyeerɛ a nentaŋ kɔmbɔge ŋa poɔ. Sɔre faarekpoŋ, leɛ fo nimimaaroŋ niŋe tɔgle te Kyɛ ka a te wɛgyɛŋeŋ ŋmɛ eŋoo puoriŋ, wuli te a fo poɔ bie Yeezu. Oo Clement, oo nɔmmo, oo Noɔ Bitoro Maareya.
Yeli: Puori ko te, Naaŋmene Masoŋ
Paa yeli: Ka te puori:
All (yɛ zaa): Naaŋmene, a fo bidɔɔyeni yoŋ, tu la o nyɔvore, kuu ane kuu leɛ-iruu, a da nyɔvobabaaraa kyɔɔtaa ko te. Ko te te daana, ka te neŋ wa danne a Dagaresoŋ Dannoo ama, naŋ yi Maareya soŋ zie, ka te tɔgle bone na a naŋ taa kyɛ nyɛ bone na a naŋ eŋ noɔre ka te na nyɛ la a Yeezu Kirista yuori eŋɛ. Ame
MAAREYA SOŊ PUUBU DANNOMBIE
Daana zo te nembaaloŋ Daana zo te nembaaloŋ
Kirista zo te nembaaloŋ Kirista zo te nembaaloŋ
Daana zo te nembaaloŋ Daana zo te nembaaloŋ
Kirista kyɛlle te. Kirista kyɛlle te yaga zaa
Naaŋmene naŋ waa Dapare saa zo te nembaaloŋ
Naaŋmene naŋ waa bie, tendaa faara zo te nembaaloŋ
Naaŋmene naŋ waa Vooronsoŋ zo te nembaaloŋ
Tanetaatesoŋ, Naaŋmene yeni. zo te nembaaloŋ
Maareya soŋ puori Naaŋmene ko te
Naaŋmene Masoŋ puori Naaŋmene ko te
pɔgyoe poɔ gɔgyuori. puori Naaŋmene ko te
Ma pɔgyuori. puori Naaŋmene ko te
Nɔŋ O yɛlɛ ma puori Naaŋmene ko te
Te ire ma puori Naaŋmene ko te
Te faara ma. Puori Naaŋmene ko te
Pɔgesar-kyeeraa puori Naaŋmene ko te
Pɔgesar-Gandaa puori Naaŋmene ko te
Nembaaloŋ zoro. Puori Naaŋmene ko te
Yelmeŋɛ soba puori Naaŋmene ko te
Popeɛloŋ soba puori Naaŋmene ko te
Yeŋ bamno zie. Puori Naaŋmene ko te
Mennoŋ Daana puori Naaŋmene ko te
Bonsonne Gbaale. Puori Naaŋmene ko te
David yiri teɛraa puori Naaŋmene ko te
Salema Yiri puori Naaŋmene ko te
Naaŋmene Nɔɛ Daga puori Naaŋmene ko te
ne Masoŋsage
Yelbebe deme Naayiri. Puori Naaŋmene ko te
Kirista biiri sonnɔ puori Naaŋmene ko te
Teɛroŋ gaazie puori Naaŋmene ko te
Ŋmene Yelmanema Pɔgenaa puori Naaŋmene ko te
Baŋnɔɛ yɛlɛ ma. Puori Naaŋmene ko te