Dagaaba tenne mine Yuori nyaabo

Tenne yoe

A tenne ama naŋ be a puliŋ kyɛ la ka n boɔrɔ ka n sɛge ŋa kɔlage.

A. Kulmasa

B. Kambali

C. Mangu

D. Ɛremɔŋ

E. Bobananyuuro (Babalanyuuro)

Fo meŋ na baŋ paale la a tenne mine fo naŋ baŋ.

A tenne yoe nyaabo

Kulmasa

Mannoo wuli ka Naŋkpaana kaŋa la daaŋ yoɔra moɔ lɛɛ wa yi kolaa kaŋaŋ. A kolaa koɔŋ da maa la yaga ka o ɔŋ nyu. A na la ka o da maŋ yɔ zaa wa ta be ɔŋ a kolaa koɔŋ nyu. Wagre kaŋa kɔŋnyuuri daaŋ wa le ka o iri ne o yideme ka ba te zeŋ a kolaa seɛŋ. A na la ka ba leɛre boɔla Kulmasa.

Kambali

A kambali meŋ nyɛ la o yuori yi noba manne wuli ka baa kaŋa la da be sori noɔre a taa tuu yaga. A sori wa paroo da taa la dabeɛŋ ko sokyɛnɛ ya bonso yelkabeere te seŋ donne beɛ, gyena, soɔloŋ ne a taa la da pore ana zie na. A ŋaa fere vɛŋ la ka sokyɛmɛ da maŋ wa ta a be a sore sɔroo yeli "gaafera ka n bale". A ŋaa la lɛɛŋ ka zie wa yuo ka noba wa zeŋ a be de be boɔla " ka n bale". Gama poɔ la yɛlɛ wa kpeɛrɛ ka ba ŋmaa eŋ ka Kambali.

Mangu

Noba naŋ yi Mangu la ka ba boɔla Manteena. Ba yidaandɔɔ kaŋa yuori daaŋ la "Ŋmɛŋo" , A yuori ŋa la ka ba leɛre pulli-koɔŋ lɛɛ te boɔla Mangu.