Dagaaba sɛŋe wuobu bee piluu wuobo

Dakoroŋ Saŋa, dagaaba da maŋ wuo la seŋɛ bee piluu ka o e ba bonganaa. N na manne la yɛlɛ fēē kyaare neŋ a sɛŋe bee a piluu ŋa wuobo. Te makoma mine la da maŋ wuo daga sɛŋe amɛ a ko ba yideme zagere a kãã ba yaan mine ka ba ganna neŋ. Wola ka ba ma wuo a sɛŋe ŋa? Yeltuuri mine bebe la ka ba maŋ tu kyɛ wuo a dagasɛŋe ka ana la; A yeldɛŋ soba ba naŋ maŋ e la ka ba bɔ mue bee a mie. A maŋ buli la bãã poɔ a e wogeri tɛntɛlɛɛ lɛ. Ba maŋ ŋma a la ka seɛ kpɛ kyɛ yire ka a wuli ka ɔɔre saŋa la ka ba maŋ ŋmaare a mue a baa poɔ. A yi lɛ puoriŋ, ba maŋ deɛle la bee a biŋ ka a ko sɛre ka ba de wuo a sɛŋe ŋa. A mue wa ko baare, ba pãã maŋ bilebile la miri neŋ ba dumo bee dukuni a kyɛ de kõɔ fēē bee nentaare a e ne a mue ama. Ka ba naŋ wa baare, ba maŋ de la a muripeɛle ama yi biŋ kyɛ de a boyeni bonyeni a made taa a pãã de pĩĩ a vorɔ ne a miri kyɛ piili wuoro a sɛŋe. Ŋaa ka ba zɛŋ kyɛ de ba wagere zaa eŋ a sɛŋe wuobo a wa baare. Ka ba ma ba baare meŋ, ba maŋ de kpɛ biŋ LA ka zie nŋaa ka la kyoge ba naŋ wuoro a lɛ kyɛ ba maŋ miri la kõɔ enne o ka o na buri ka ba tõɔ core o. Ka ba naŋ wa wuo baare, ba maŋ kyɛ ŋmaare ka o seŋ ne gaabo. A sɛŋe bonbile na ka boɔlɔ sɛŋbile kyɛ ka o boŋ kpoŋ ka ba boɔlɔ o dermɔloo lɛ wuli ka o deɛ was tɛntɛlɛɛ lɛ ka noba gaŋ banuu na naŋ maŋ o poɔ kyɛ ka vuo naŋ maŋ. Kyuu-pelaa Sara ba DA maŋ wuo yi tɛ la ka biiri gaŋ o poɔ kyɛ ka ba maale bondirii. Yirinemberɛ DA maŋ sɛllɛ lɛ sensɛllɛ korɔ biiri ka ba ma kyɛlɛ kyɛ ka ba maale diibo.