Dagaaba kponnuu poɔ kpeɛbo

Ka bonvoraa zaaŋ wa dɔge, a bile maŋ maŋ baa la te so omeŋɛ, a na tõɔ bɔ diibu o tɔre di, a toɔ faa omeŋɛ bee maale omeŋɛ gaabo zie. Nensaala, a ŋaa taabo la ka te boɔlɔ kponnuŋ poɔ kpeɛbo. ŋaa wuli ka a sobɔ ta la dɔɔ bee pɔge a na baŋ toŋe bee e o yelsoore omeŋɛ. Dagaaba laŋkpeɛboŋ a sobɔ endaa wulluŋ ane yel-erre mine la maŋ vɛŋe ka ba baŋe ka a sobɔna tõɔ e la yeli ŋa bee ŋa. Ba maŋ yire la yeŋe a nyɔgerɔ kyɛmmine ane baaloŋ deme.

Dɔɔ kponnuŋ wulibu

1.o maŋ kyɛre lama

2.a maŋ buli pɛnne kɔɔloŋ

3. a maŋ buli baalugi kɔɔloŋ

4. a wuo nyaa

5. a na tõɔ toŋe sɛŋgaŋe tomɔ

6. o kɔkɔre maŋ ŋmare la

7. o sobɔ na tõɔ kɔ la kɔnoɔre

8. o sobɔ na tõɔ tuo wɛge

9.a ŋmaa die

10.a bɔ boɔbo bee yɔ moɔ

Saŋa na ba da maŋ kye la lakyeemɛ/nyemɛ/kkpama, a piili pono zuri,a maala, kantolo, a tara bibili sɛnemɛ( nyuuro dããbinni).