Dagaaba bɔgere nyɔgebo

E la te sããŋkompare yeltuuraa kaŋa Dagapaaloŋ noba mine naŋ maŋ tu a kyɛ maale ba yɛlɛ. A yelmaala ŋa gbɛɛ yaga maŋ e la awombo kaŋa maŋ pɔge neɛ ka o boɔrɔ togibu. A na baŋ e la kūū toloŋ kaŋa naŋ zeɛrɛ noba fɔɔrɔ bee baaloŋ faa kaŋa naŋ binne noba ka peɛroo wuli ka ba nyɔge bɔɔre ka a tɛge.

Bɔgere parɛɛ

Dagaaba taa la bɔgere parɛɛ ayi; ka ana la, bɔɔdɛgere ne bɔɔkãã bee bɔɔpelaa.

Bɔɔdɛgere

Aŋa a yuori naŋ wuli "dɛgere" ana bɔɔre ŋa ba maŋ veɛlɛ bee maŋ dɛge la bonso, a bɔɔkyaŋkpollo ba naŋ maŋ zɛ a yagera o endaa zaa kyɛ ka o ba suoro kõɔ maŋ vɛŋ la ka a bɔɔlee dɛge. Bɔɔdɛgere bɔɔkyaŋkpollo ba ganna dieŋ see yeŋe. A bɔɔkyaŋkpollo, ka banaŋ wa piri o, o ba dire neŋ noba, o ba yɛlɛ yɛlɛ sɔgera noba.