Dagaaba Lɔb-gbulo Mine Ane A Nɔ-iri

Lɔb-gbulo: A lɔbɔ ama sooroo maŋ e la bombigraa (boŋkaŋa) ka a lɔɔrɔ maŋ bigri kyɛ boɔrɔ ka a nɔ-ire pore a bone na yuori. Aseŋ:

Lɔɔrɔ: Boŋkaŋa la be be, beguo; o maŋ taa la gbɛɛ anaare, ŋmenaa; ka o taa gbɛɛ ayi, zimaane; ka o leɛ taa gbɛɛ ata. Boŋ la lɛ?

Nɔ-ire: Nensaala

Lɔɔrɔ: N saa taa la o bone kaŋa ne o bibiiri, ka a bie kaŋa zaaŋ wa waana ka o kpi, o maŋ fale la a ma takpaleŋ/lampɛgreŋ

Nɔ-ire: Mankyere

Lɔɔrɔ: 'N saa la taa o biiri mine ka ba gmaara teɛrɛ gaŋe ba wogiri, boŋ la a?'

Nɔ-ire: puluŋ.

Lɔɔrɔ: N ma la taa o bie kaŋa ka o ba nyɛrɛ kyɛ baŋe yeli la yelzaa yele

Nɔ-ire: zele

Lɔɔrɔ: N ba la taa o pɔge kaŋa ka onaŋ wa boɔrɔ ka o so kõɔ o maŋ kɔre la o poɔ nyaga zaa bare, boŋ la o?

Nɔ-ire: kapuro/zukɔgeraa.

Lɔɔrɔ: N ma taaɛ o pɔgeyaare mine ka ba zaa maŋ seɛ lɛge bonyeni

Nɔ-ire: saare

Lɔɔrɔ: N ma la taa o pɔgeyaa kaŋa ka o maŋ are dɛlle dankyini ka zie te soɔ ka o pãã gaŋe teŋɛ, boŋ bal la o?

Nɔ-ire: sɛŋɛ.

Lɔɔrɔ: N ma la taa o biiri mine ka ba maŋ gaŋe popelaa tegitegi lɛ, boŋ la ba?

Nɔ-ire: neɛre.

Lɔɔrɔ: N ma taaɛ o biiri mine ka ba gaŋe peɛle taa kyɛ ba nyɛrɛ taa

Nɔ-ire: nimie.

Lɔɔrɔ: N saakoma kaŋa la maŋ gaŋe dieŋ kyɛ ka o gbɛɛ be/sãã yeŋeŋ

Nɔ-ire: sansoɔre/nyoore

Lɔɔrɔ: N ma la taa o bie kaŋa, a maŋ wa toŋe ka o gaa kyɛ koŋ la leɛ wa

Nɔ-ire: kusiri