Dagaaba Kuu Yeltare

Dagaaba bale poɔ ka neɛ wa kpi, sobie na mine ba na maŋ tu te ta o uumo saŋ la ama.

Ka neɛŋ wa ŋmaa vooroŋ ba maŋ toli la koɔ a so o soba. Ka dɔɔ wa la dɔba la maŋ so a kuu, kyɛ ka pɔge wa la pɔgeba meŋ la maŋ so o a koɔ.

A koɔ sobo baaro puoriŋ ba maŋ su la a kuu bonveɛli, ka a yidããdɔɔ pãã yi ŋmɛ kpɛli sɛre kyɛ ka neɛ zaa pãã baŋ kono. A yidããdɔɔ puoriŋ ba maŋ voɔ la a kuu ne nɔdaa ka dɔɔ wa la kyɛ de o yi te biŋ a didɔriŋ ka ba kono. Ka pɔge wa la ba maŋ de o la yine a dindɔre a koɔ sobaaroo puoriŋka ba kono Kyɛ ka ba pãã maale paalaa a de ba dɛle. Ka dɔɔ wa la o niŋe maŋ yaare la sapare kye ka pɔge niŋe kaare ŋmenaa kpeɛbo zie.

Ka ba naŋ wa dɛle a kuu baare ba maŋ wuo la a kuori, dɔɔ gyili nɔɛɛ a ata, pɔge gyili nɔɛɛ anaare.

A yideme pãã na toŋ la a kuori ko ba dɔgereba ane ba deɛmine. A ama naŋ erɛ,a yidããdɔɔ na te kyɔgi la a bogi wuli ka tu. Ka o naŋ wa e nenkpoŋ ba maŋ tu la bogesule, kyɛ ka o naŋ wa e bibili ba maŋ tu la bogigaraa.

Ka zieŋ wa nyaa,a didɔre na deme la maale la kuori kyɛ ko deɛmine ka ba meŋ maale kyɛ ka ba pãã de a kuu te sɔgeli.