Dagaaba Kɔŋmiirūū emmo

Dakoroŋ saŋa na, pɔgeba da ba maŋ nyɛre wagere bee vuo a na toɔ maala bondirii bebie zaa. Dɔɔ da maŋ wɔɔ la o pɔgeba ka a ta beri awola kyɛ ka ba la wɔɔ o soba. Azuiŋ , kɔmmiirūū emmo da la bone na soŋ na ba ba toma poɔ.Ba da de la samɔŋ doge kpoŋ kaŋa a mɔŋ eŋ kodoge poɔ ka a ta daa gbuli. Ka seɛ bee uoni saŋa la kyɛ ba da maŋ eŋ la kɔmmiirūū. A yɛlɛ amɛ mine zuiŋ la ka ba da maŋ eŋ a kɔmmiirūū ba korodie poɔ. Ka seɛ kpɛ, pɔgeba da maŋ moɔ la nige eŋ ba weɛ toma poɔ ka a lɛ vɛŋ ka ba ba maŋ gaa die wieoū a yi ba wɛre na maŋ be zitɔɔre zuiŋ. Ba da maŋ wa tara la die ka zie soɔ ka ba koŋ la baŋ nyɛ wagere mare vūū a mɔŋ saao. A yi a lɛ meŋ, ka uoni saŋa wa la ba da maŋ te bɔ la daare ka zie te soɔ. Pɔgeba meŋ da maŋ eŋ la kɔmmiirūū ka ka a toɔ ta ba daa kyɛ ka ba la mɔŋ saao boso, bebie mine da be be ka a ba seɔ ka pɔge made vūū ka ba boɔlɔ takɔ daa.