DUORI SAAŊMA YELZURI

Duori Yelzuri e la duori bee yɛlɛ yelzuri mine ba maŋ wa kyɛ kyɛ ŋmaa ko te ka te kyɛlle a baŋ bone na a gare a teŋɛ bee paaloŋ poɔŋ.

Duori Saama Yelzuri

1. A zine naŋ e a kyuuri ata bebie anii daare e la pɔgeba bebiri, ka pɔgeba dire lɛnnɛ nuuri tendaa zaa.

2. TV3 terɛɛ duoro ka a te Ghana paaloŋ yidandɔɔ be la a Ghana begɛ maaloo die poɔ a yeli yɛlɛ kyaare ne a teŋɛ baabo yeltare.

3. Citi news deme yel ka a yidandɔɔ yel ka o maale la sobie gaŋ a yidandɔbɔ na zaa o naŋ tu ba puori.

4. No ba yele ka gyamaa ŋmaa lagɛɛ dɔɔ kaŋ Kumasi lambori kaŋ poɔ a ŋmɛ o lɛɛŋ te ŋmɛ o ko.

5. Gɔbenente kpambiri na naŋ kaara a te emmaaroŋ yɛlɛ yele korɛɛ Ghana deme ka ba gbi la dumo sɔrɔ sudi. O yeli ka a sojɛre ŋmɛɛ gbɛre ne ba naŋ gaa te ŋmɛ Ashaiman deme laŋtaa, kyɛ ba teɛroŋ da la ka ba te bɔ noba na naŋ ko a ba tɔ.

7. Ashaiman deme meŋ yeli ka ba kyɛllɛ la a Ghana yidandɔɔ ka o meŋ yeli yelkaŋ kyaare a sojɛr yɛlɛ ba naŋ e.

8.Te wono la ka noba yaga yele ka Ghana kyuu la a ŋa, azuiŋ noba gyamaa leɛ ba niŋe tɔgle Ghana bonmaale, te woŋ ka ba di la Dagabonsuri Tigri Nadowli-Kaleo paaloŋ lambori kaŋ ba naŋ boɔlɔ Loho poɔŋ.

9. Ghana yidandɔɔ koraa pɔg mma Lordina Manama puoree Ghana pɔgbɔ zaa yaane ne ba naŋ are a dɔbɔ puoriŋ a yie ne a teŋɛ maaloo poɔŋ.

10. Ghana yiele-ŋmɛ karaa kaŋ ba naŋ boɔlɔ Stonebwoy yeli ka o poɔ ba pɛl fēē zaa ne bonna naŋ gɛrɛ Ashiaman deme ne a sojɛre kpakyagaŋ.

Te na wa la a puoriŋ a wa ko yɛ amine. Yɛ bareka ne yɛ kyɛllo toba yɛ ko te.