Cultural festival (Japan)
| Aŋa yitaalombile | school event, Tigiri  |
|---|---|
| Paaloŋ | Japan |
Saaŋkompare Tigiri ( Cultural Tigiri) (文化祭, Bunkasai) be Japan paaloŋ poɔ a maŋ dire yuoni zaa, a tigiri ŋa maŋ di la sakue poɔ a piili bibilii sakue te tɔ yunivenitiri poɔ, a wagere ŋa la ka sakubiiri maŋ wuli gɔɔloŋ na kaŋazaa naŋ taa.[1] Neɛzaa naŋ boɔrɔ ka o gaa sakuuri omeŋa bee boɔrɔ ka o gaa te nyɛ lɛ sakue poɔ toma naŋ maŋ waa bee a nyɛ lɛ sakue poɔ veɛloŋ naŋ seŋ. Bidɔgereba meŋ naŋ baŋ boɔrɔ la ka ba gaa te nyɛ bone naŋ ba bibirii naŋ erɛ bee boŋ toma la ka ba biiri a erɛ a sakue poɔ. Gbɛɛ yaga a tigiri ŋa e la bone na maŋ you ko neɛzaa, a zuo a zaa gyu hai sakue ane a yunivenitiri poore.
A Tigiri Tɛgɛ
[maaleŋ | Maale eŋ yizie]A bɔrefɔ naŋ maŋ boɔle ka (curriculum guidelines) a zannoo begɛ a kyaare ne a Ministry of Education, saaŋkompare yɛlɛ, kyakya ane deɛne yeltarre, Science ane Technology, a ko saaŋkompare tigiri zaa poɔ la a tigiri ŋa diibu yeltuuri bee yelerre poɔ, a yɛlɛ ama zaa e la yeleree naŋ maŋ e bone naŋ e zannoo ka noba zanna bebiri zaa kyɛ naŋ maŋ koro noba eŋyuo.[2][3][4]
A saakompare tigie ama poɔ la a zannoo yɛlɛ ama poɔ, aseŋ bibipurimu sakue, gyunia hai sakue, ane sinia hai sakue, a maŋ e la bone ba naŋ ko ko a sakubiiri vuo ka ba gaa te bare a. A yuniveniti poɔ, a saaŋkompare tigie ama e la boma naŋ ba poɔ yɛlɛ a sakue wulibu yelnarebinne poɔ. Azuiŋ a wagere ŋa poɔ a yɛlɛ ba maŋ e yelferaa ko karembie zaa ko be a be.
Saakonnoŋ poɔ, sakue gyamaa maŋ di la a tigie ama ka o bɔrefɔ yuori la (cultural Day) a tigiri qa maq di la kakyɛ kyuu beri ata soba poɔ yuoni zaa. Azuiŋ a Japan paaloŋ poɔ, a daare ŋa bee a bebiri ŋa maŋ e la pɛnnoo[5] bebiri ko a paaloŋ na deme zaa. Gbɛɛ yaga a tigiri ŋa maŋ di la Yɔdaare bee a Podaare bebiri, a mine kaŋa a bebie ama zaa ayi.[6]
Yuori
[maaleŋ | Maale eŋ yizie]Saaŋkompare Tigiri ( bunkasai) ane yuniveniti tigie (daigaku-sai) e la yo menne naŋ be a Japan paaloŋ poɔ, yoe mine naŋ be a saaŋkompare tigie a yi sakue poɔ a naŋ be. Aseŋ tigie a yuniveniti naŋ be a Tokyo, Komaba Campus e la ba bore Komaba-sai.
| Sakuuri | Bɔrefɔ Yoe | Japane Yoe |
| Nursery School (bilɛɛ sakue) | Bebiri zaa yelerre | Seikatsu-happyō-kai (生活発表会) |
| Bibilii Sakue | Bebiri zaa yelerre | Seikatsu-happyō-kai (生活発表会) |
| Elementary | Bebiri gɔɔloŋ yelerre ane
Zannoo yelerre |
Gakugei-kai (学芸会)
Gakushū-happyō-kai (学習発表会) |
| Gyunia hai Sakue | Saaŋkompare tigie | Bunka-sai (文化祭) |
| Sinia Hai Sakue | Saaŋkompare tigie | Bunka-sai (文化祭) |
| Yuniveniti | Yuniveniti Tigie | Daigaku-sai (大学祭), Gakuen-sai (学園祭) |
Tɛɛtɛɛ
A sakuuri tigie a gyunia hai poɔ ane a sinia hai poɔ maŋ tasoga boɔle la ka gakuensai (学園祭), gakuinsai (学院祭), bee gakkōsai (学校祭).
Tontonne
A tigiei ama maŋ di la ka karembiir a zanne yelkaŋa yi a poɔ, kyɛ noba gyamaa maŋ gaa la a tigiri ŋa diibu wagere poɔ, a noba bama maŋ yi zitɛɛtɛɛ a gaa lantaa. Sakubikoreba, a wagere ŋa la ka ba meŋ maŋ de a gaa te nyɛ ba taaba naŋ be a sakuri poɔ. Ba maŋ maale la bondirii ko ba, ane a yi be puoriŋ, a karendire poore. Seɛseɛrebɛ, deɛdeɛnrbɛ, a wagere mine maŋ deɛne la, ba meŋa la maŋ ŋmɛ ba nyaa a bee a mine kaŋa a yi saku-yuobu poore a wa deɛne ko ba, a seŋ a seɛseɛrebɛ, deɛdeɛmɛ, gaŋga ŋmeɛrebɛ ane ba taaba gyamaa.
Saakompare tigiri ŋa diibu yelnyɔgeraa la zaa la ka ba maŋ pɛle noba nimie, kyɛ meŋ naŋ maŋ ko ba vuo a yuoni zaa poɔ ka sakuuri biiri a maŋ nyɛ ba taaba a yi sakuyuo poɔ a nyɛ lɛ ba meŋ nyɔvooroŋ naŋ waa ko ba. A tigiri ŋa diibu yelnyɔgeraa kaŋa la, o maŋ vɛŋ la ka noba gɔɔoŋ a yi gbaŋgbale poɔ, a lɛ yoŋ naane o maŋ vɛŋ la ka tatenne a nyɔgetaa a taa nɔyeni.
Kaa kyɛ nyɛ
[maaleŋ | Maale eŋ yizie]Tigie naŋ be a Japan poɔ
Sommo Yizie
[maaleŋ | Maale eŋ yizie]- ↑ Rohlen, Thomas P. (1983). Japan's High Schools. University of California Press. p. 162. ISBN 978-0-520-04863-8. Retrieved 2009-01-28.
- ↑ 小学校学習指導要領 第4章 特別活動(Curriculum guideline of Elementary School Chapter 4: Special activity) Archived 2010-10-08 at the Wayback Machine (in Japanese)
- ↑ 中学校学習指導要領 第4章 特別活動(Curriculum guideline of Lower Secondary School Chapter 4: Special activity) Archived 2011-05-20 at the Wayback Machine (in Japanese)
- ↑ 高等学校学習指導要領 第4章 特別活動(Curriculum guideline of High school Chapter 4: Special activity) Archived 2010-07-10 at the Wayback Machine (in Japanese)
- ↑ "School life 学校生活". A Taste of Languages at School (ATLAS). University College London. Retrieved 2011-11-02.
- ↑ "Komaba Festival - Student Support - The University of Tokyo, Komaba". www.c.u-tokyo.ac.jp. Retrieved 2017-09-18.