Bwola

Bwola

type of dance

Aŋa yitaalombile	Ugandan folk dance
Culture	Acholi people
Paaloŋ	Uganda

Bwola, ona la ka ba boɔlɔ ka Acholi bwola, o e la seɛrɛ naŋ yi Acholi noba naŋ be a Uganda sazu seŋ. A seɛrɛ ŋa ba bonna seɛrɛ ba maŋ bare o la kyɛlɛ ne yelkpokpo bee deɛne kyikyi saŋa, a seɛrɛ ŋa maŋ seɛ la a namine nimitɔɔreŋ. Gbɛɛ yaga a seɛrɛ ŋa maŋ seɛ la ka ba naŋ wa zeelɛ napaala bee a naa potuuru kaŋa.

Dakoreŋ

A seɛrɛ ŋa da maŋ seɛ ko la namine yoŋ. Bwola seɛrɛ na maŋ seɛ ko la paati nembɛrɛ ane nentegere mine. Ona la ka a Acholi noba baŋ ka o e namine seɛrɛ, Bwola eŋ e la gyeremɛ seɛrɛ ba naŋ maŋ seɛ ko namine lantaa zie. Kyɛ a o yelnimizeɛ zaa la ka naŋ wa binne bee zeelɛ napaala.

A Bwola wane ne la yelwoni, ka a mine la, ba kare bee ba la sagera donne mine eŋgane naŋ da maŋ paale a seɛrɛ poɔ a maŋ vugeru la a ba saaŋkompare bone.

Eebo

Bwola e o toɔraa lɛ kyɛ ka ba maŋ de daa maale ne ka o waa ŋa gyile kyɛ ka ba boɔlɔ o ka "Larakaraka" ane gaŋga vivilo ona meŋ la "Jagi". Seɛseɛrɛbɛ maŋ seɛ la saaŋkompare bonsuuri,a paale nuulee kɔɔloŋ ba zuiŋ kyɛ ka pɛne pelaa le ba seɛ poɔ ane ba nusugelee eŋɛ. A seɛrɛ, dɔba ne pɔgeba la maŋ seɛ kyɛ ba maŋ seɛ la laŋgbuli tɛɛtɛɛ. A dɔba maŋ daŋ de weɛŋ a seɛ kyɛ ko a pɔgeba. Dɔba la maŋ de weɛŋ de a seɛrɛ a ŋmɛ a gyile ane a gaŋgaa. A seɛseɛrɛbɛ maŋ ŋmaa viiri la, ka a duba seɛrɛ viiri ba dɔloŋ seŋ kyɛ ka a pɔgeba meŋ seɛrɛ viiri ba gɔɔ seŋ. A seɛseɛrɛbɛ ba gbɛbinyɔɛ la ka ba maŋ seɛrɛ ne kyɛ ka a laŋ lere kyɛ ka a enda kyɛlle naŋ are.

Enfuomo

• 
  Acholi Bwola Seɛrɛ
• 
  Acholi deme la seɛ Bwola
• 
  Acholi seɛseɛ boŋŋmeɛre
• 
  Laŋgbuli kaŋa la seɛrɛ Bwola, saŋa na ba naŋ wa yuoro Pader paaloŋ Asipiti kpoŋ