Botenso Deme Boɔrɔ la Kɔnveɛle

Botenso e la tembile kaŋa naŋ be Nchiraa puliŋ, Wenchi paaloŋ a Ghana Bono Irigin poɔ.

O e la koɔbo teŋɛ ka noba koɔrɔ boma aseŋ waare, kamaana, mui ane a taaba mine. Ba la guolo la donne meŋ aŋa nii, boore ane peere. A teŋɛ deme ba taa koɔsoŋ na maŋ tone ba yie toma.

A palimenti nie naŋ be a Wenchi paaloŋ poɔ, nba Alhaji Seidu Haruna naŋ da gaa a teŋɛ ŋa poɔ Koseɛra kaŋ 21st Fɛboɔre, 2020 k'o te nyɛ a Botenso deme, tu la a noba mine gaa a zie na a ba koɔnyuuri naŋ be.

Memunata Safiah, biiri bata ma kaŋ naŋ da de a palimenti nie gaane a baa poɔ, da mane la lɛ ba naŋ tona weɛ ane yie poɔ toma ane a bayeni na koɔ a yele " te maŋ di la dɔgɛɛ koɔ eŋɛ a piili n naŋ wa a teŋɛ ŋa poɔ 1998 saŋ a waana pampana". O la yelee ŋaa " te serebɛ maŋ de la motori gaa Nchiraa te ɔŋ koɔ ka uoni wa yi zaa".

Gyunia hai karembie kaŋa meŋ da ɔŋnɔ a koɔ da yeli ka o ba maŋ gaa sakuuri bibie mine a uoni saŋ. "N maŋ kyeŋ ne la gbɛɛ gaa Nchiraa te ɔŋ koɔ wa ko N dɔgreba a uoni saŋ" a bie naŋ yeli.

Nba Alhaji Seidu Haruna naŋ da woŋ a ama zaa, nimibaaloŋ da kpɛ o la k'o da eŋ noɔre k'o na wane la pɔmpi wa ko a Botenso deme. Ŋaa k'o da yeli "N na piili la pampana a laŋne a Wenchi paaloŋ nembɛre, bɔ noba naŋ tona a koɔ toma ka ba wane koɔ wa ko a Botenso deme"

A Koseɛra bibiri gaabo bee yoɔbo na da poɔ la yel-eree mine a Nba Alhaji Seidu Haruna naŋ iri k'o na e la kyaare ne a o paaloŋ yuobo eŋɛ.