Amy Carter

Amy Lynn Carter

nensaala

Dɔɔ bee pɔge bee dɔgebo	pɔge
Dɔgebo paaloŋ	United State Of America
Yo-ennaa bee yoporaa	Amy
Family name	Carter
Dɔgebo bebiri	19 Ɔɔtoorebare 1967
Dɔgebo zie	Plains
Father	Jimmy Carter
Mother	Rosalynn Carter
Sibling	Jack Carter
Spouse	James Wentzel
Child	Hugo Wentzel, Errol Kelly
Kɔkɔyelii, sɛge ne bee goligoluu	Bɔrefɔ
Tonnoɔre	activist
Zanne la	Memphis College of Art, Tulane University, Brown University, Woodward Academy, Tulane University School of Liberal Arts
Kpɛzie	Atlanta

Amy Lynn Carter (ba naŋ dɔge ɔɔtoorebare 19, 1967) e la a U.S 39th yidaandɔɔ Jimmy Carter ane o pɔge Rosalyn Carter bipɔge yeni yoŋ ane biiri banaare soba. Carter fɔrɔ kpɛ la gyɛmaa teɛroŋ ka o e bibile saŋa na onaŋ da kpeɛrɛ a White House o saa yidaandɔɔloŋ wagere.

Nyɔvore Piiluu

Ba dɔge la Amy Carter Ɔɔtoore 19, 1967 eŋɛ, Plains poɔ, Georgia. Sɛre a o dɔgebo, a yideme da taa la nuneɛ kyaare ne ka ba saamine na mɔ la bipɔge nyɛ be. A tuuro lɛ o beɛre naŋ manne: "A yideme neɛ la nuuri yuoni gbuli sɛre kyɛ baŋ wa dɔge o, ka o saamine seŋ ka ba taa bipɔge be, a lɛ yuoni gbuli puoriŋ ka ona meŋ la lɛ. Ba gba daŋ de la o yuori sɛre—yi Webster's Dictionary." Ba guoli o la Plains poɔ te ta saŋa na ba naŋ wa ɛlɛte o saa Georgia gɔmena 1970 poɔ ka a yideme yi kpɛ a Georgia Governor's Mansion Atlanta poɔ. 1976 poɔ, onaŋ da wa e yuomo awae, ba da ɛlɛte la o saa United State yidaandɔɔ, ka a yideme yi kpɛ a White House. Carter gaa la bɔnne sakue Washington poɔ, a o yuomo anaare vuo poɔ a White House poɔ; fɔrɔ Stevens Elementary School a de Rose Hardy Middle School. O saa yidaandɔɔloŋ naŋ wa baare, Carter de gaa la Atlanta a te de o siinia haae sakuuri yuomo Woodward Academy, College Park poɔ, Georgia. O da e la Senate page a 1982 summer session wagere. Carter gaa la Brown University, zie ba naŋ baŋ ne o activism kyaare ne apartheid ane a CIA. Ba da bare o la gambaŋ lombori 1987 poɔ, "ne o naŋ ba tõɔ toŋ o zannoo bɔgere toma naŋ seŋ ne". Carter nyɛ la Bachelor of Fine Arts degeree a puoriŋ yi a Memphis College of Art ane masa degeree art history poɔ yi a Tulane University, New Orleans poɔ 1996 eŋɛ.

Nyɔvore a White House poɔ

Amy Carter enfuoni

Gyoonoɔre 1977 poɔ, o yuomo awae eŋɛ, Carter de kpɛ la a White House, zie onaŋ kpɛ yuomo anaare. O da e la teɛroŋ erɛ ko saseɛ duoro tontonneba ana vuo ŋa poɔ. Bibilii ba kpɛ a White House a yi a 1960s John F. Kennedy yidaandɔɔloŋ saŋa (a ko la e lɛ meŋ Carter yidaandɔɔloŋ naŋ wa baare te ta Bill Clinton so-emmo saŋa, Gyoonoɔre 1993, saŋa na Chelsea naŋ wa kpɛ be.)

Amy Carter poses with her doll house and cat, Misty Malarky Ying Yang

Saŋa na Carter naŋ wa be a White House poɔ, o wa taa la Siamese kɔkɔlaa yuori naŋ di Misty Malarky Ying Yang, naŋ da e kɔkɔlaa baaraa naŋ kpɛ a White House te tɔ Socks, Clinton naŋ so. Carter meŋ la deɛ la wɔɔ yi Sri Lanka; ba da de la a doŋo ko a National Zoo Washington poɔ, D.C.

Carter maŋ eŋ la nɔɔte-kɔɔgbɛɛ zo yɔ a White House's East Room a taa daa die a South Lawn eŋɛ. Ka onaŋ wa boɔle o zɔmenne ka ba wa di tigiri o daadie na poɔ, noba naŋ kaara bee guuro a zie maŋ be la a puli kyɛ kaara bone naŋ erɛ.

Mary Prince ( African American pɔge nenko seɛrɛ ba naŋ di kyaare o naŋ ba e lɛ, a puoriŋ ba naŋ vɛŋ ko o a bare o) la da e o biyaalaa gbɛɛ yaga a yi 1971 te tɔ Jimmy Carter yidaandɔɔloŋ naŋ wa baare, o naŋ piili ana vuo na poɔ yi pɔgere kpaaroŋ nuuri Georgia poɔ.

Carter ba nyɛ a "hands off" kaabo na gbɛɛ yaga saseɛ duoro na ko Chelsea Clinton a puoriŋ. Yidaandɔɔ Carter pore la o bipɔge a 1980 wagere nɔkpeɛne ne Ronald Reagan, onaŋ da yeli ka o soore o la ka boŋ la e nimizeɛ a nuneɛ ŋa poɔ ka o yeli ka, "nuclear arms guubo".

Amy Carter sitting in a tree on the White House grounds

Fɛboɔre 21, 1977 eŋɛ, White House state zimaane bondiiri saŋa ko Canada's Prime Minister Pierre Trudeau, ba da nyɛ la yuomo awae Amy naŋ kanna gama ayi, Charlie and the Great Glass Elevator ane The Story of the Gettysburg Address, saŋa na o saa ne Trudeau naŋ da zeŋ ka ba maa kɔkɔrɛɛ.