Abigail Mbalo-Mokoena

Abigail Mbalo-Mokoena

nensaala

Dɔɔ bee pɔge bee dɔgebo	pɔge
Dɔgebo paaloŋ	South Africa
Yo-ennaa bee yoporaa	Abigail
Family name	Mokoena
Tonnoɔre	chef

Abigail Mbalo Mokoena e la South African Bondi-maala ane neɛ naŋ so Bondi-zie. O na la Bondi-maala ne neɛ naŋ so 4Roomed ka ba boɔla 4Roomed ekasi culture bee ekasi, naŋ be Khayelitsha yiri poɔ, kilometare 30 a yi Cape Town poɔ, South Africa. A yi 2019 poɔ, 4Roomed yuori da pore paale tonnoɔre kaŋa a yi Food & Wine ne Travel + Lesuire leɛre poɔ ka ba e la Bondi-zie papa kaŋa naŋ paale Bondi-zi parɛɛ 30 donnɛɛ zaa poɔ.

Nyɔvore Piiluu

Mbalo-Mokoena e la neɛ ba naŋ dɔge Gugulethu ka o baa Khayelitsha. O toŋ la nyemɛ tɛknology toma yuomo 17 sɛre ka o yuo o Bondi-zie, 2014 yuoni poɔ, o da tona la Cape Peninsula University of Technology's Dental Sciences Department.

Seemmaale Toma

Mbalo-Mokoena taa la omeŋa wuluu. A bondi-zie yuo 2014 poɔ a e seemaa lɔɔre a maŋ are peɛle a shisa nyama ka yuomo ata puoriŋ ka o kyɛŋ kpɛ deri anaare mine. A bondi-zie di la deir-anaare, yi-yaga gyeraa-mesa ka be be South Africa's ekasi (yie poɔ). Mbalo-Mokoena e la neɛ ba naŋ guoli a yiri ŋa tɔ. A yiri na poɔ o naŋ baa, die zaa da e la di-ganaa, bondi-maale zie ane di-kpoŋ."

A bondi-zie yelnimizeɛ waa la pampana yelpeɛre kyaare te saaŋkonnoŋ bondirii a gaŋ a zaa South Afrika bondirii. 4Roomed tontonne e la bondi-parɛɛ anuu naŋ maŋ laŋ tabol boŋnyeni zemmo zaa. A bondiribe maŋ e la 30% yiri deme ka ba kyɛlɛɛ na meŋ e saama naŋ wa zikaa. Saveur boɔla o la "dampuori bondi-soŋ." Ka Sunday times yeli ka o e la" o saana la South Afrika n seemaa yeli neŋ o teɛroŋ yuo ko a yiri naŋ ferɛ seemaa yɛlɛ bee a diibu." Mbalo-Mokoena meŋ la taa la bondi-zie kaŋa yi 4Roomed.

2014 poɔ, Mbalo-Mokoena paale la kyakya kaŋa bota yuoni ko MasterChef South Africa, be poɔ la ka o da paale noba bayoɔbo naŋ daa yi. 2019 yuoni poɔ, 4Roomed na leɛ nyɛ la yuori paale lammo peɛroo a yi Food & Wine ne Travel + Leisure ka o e bondi-zie kaŋa naŋ paale ziiri 30 naŋ somma donnɛɛ zaa. O e la bondizi-yeni kaŋa naŋ yi Afrika kyɛ da paale a yoe poɔ; a kyɛlɛɛ la Johannesburg's Le Wine Chambre ne The Ruined Garden naŋ be Fez, Morocco.

O Sagedeebo Bee Teɛroŋ

Mbalo-Mokoena ane o serɛ, naŋ da kpeɛrɛ Cape Town zie kaŋa Melkbosstrand, leɛ gaa la Khayelitsha bonso ba nyɛɛ la ka ba taa la Degiree. Ba teɛroŋ la ka ka sakuuri gareba wa yi a koraa poɔ gaa yiri poɔ a bibiiri ba maŋ taa neɛ ba naŋ maŋ kaara meŋ na boɔra ka ba wa leɛ."

O da yuo la omeŋa bondi-zie bonso o da nyɛɛ la ka South Afrika ba kora ba yipɔge seemaa yɛlɛ gyeremɛ naŋ seŋ neŋ lɛ.

Omeŋɛ Nyɔvore

Mbalo-Mokoena zanne la nyemɛ yeltarre. O kuli la Nba Sam Mokoena. Ba taa la bidɔba bayi ane bipɔgelee. O eɛ Xhosa heritage kyɛ ka o seɛre meŋ e South Sotho